කාලයත් එක්ක වෙනස් වෙන අපේ ඇත්තෝ... !!

කාලෙකින් පැත්ත පලාතවත් බැලුවේ නෑ .. ඉතින් කාලෙකින් ඇවිත් පොඩ්ඩක් කියවල යන්න හිතුණා.. කව්රු මොනවා කිව්වත් මොනවා කලත් තමන් කරපු කියපු දේවල් මතක් වෙනවා සමහර දේවල් වලින් සතුටක් ඇතිවෙනවා වගේම සමහර දේවල් වලින් ලොකු දුකක් ඇති වෙනවා .. ඒ ඔක්කොටම වඩා ගොඩ දෙනෙක්ට තියෙන්නේ ලොකු පසුතැවීමක් .. කෙනෙකුට පසුතැවීමක් එන්නේ එක්කෝ කරපු නරක දෙයක් මතක් උනාම, නැත්නම් මොනවා හරි හොද දෙයක් කරන්න බැරි වුන එක ගැන. අද කතාව පසුතැවීම ගැන නම් නෙවෙයි .. මාතෘකාවක් නැතුවම පටන් ගන්නම්..

 ඉවරක් නැතිව දුවන මිනිස්සු ඉන්න ලෝකයක බලාපොරොත්තු පොදිගහගෙන හැමෝම ඒ මේ අත දුවනවා. 2014 පටන් ගන්නකොට ගොඩක් අය හිතා ගත්තේ මේ අවුරුද්දේ මේ  මේ දේවල් කරනවා කියල. ඒ උනාට බලන් ගියාම කරලා තියෙන්නේ පරණ දෙවෙල්ම තමයි. සමහර අයට හරි ගියා සමහරුන්ට වැරදුනා . කරන්න දෙයක් නෑ ඒක වෙන්න තියන දේ කියලා බලන් හිටියොත් වෙන්නෙම ඒකම තමයි. කාලයත් එක්ක මිනිස්සු වෙනස් වෙනවා .. සමහරු අලුත් වෙනවා , සමහරු පොෂ් වෙනවා , සමහරු පල් වෙනවා , සමහරු වල් වෙනවා . කෙනෙක් උඩ යනකොට අනිකට ඒක අල්ලන්නේ නෑ . ඒක කොතනත් තියනවා ඉස්කෝලෙදි එකට කාපු එකා විභාගේ ලියන වෙලාවට මුණ දිහා බැලුවත් අහක බලනවා . හැමෝම නෙවෙයි සමහරු එහෙමයි . සමහරු කලින්ම ඉවරවෙලා ඉස්සරහ ඉන්න එකාගේ පුටුවට පයින් ගහනවා . රස්සාවකට ගියත් එකෙක් උසස් වෙනකොට අනිත් එකට ජෙල .. ඒ වෙලාවට සුබ පැතුවට “ මු අලුතෙන් ඇවිත් අපිටත් කලින් promotion ගත්තනේ  ” , කියලා හිතින් කියන බොරු යාලුවෝ ඕනි තරම් ..
 

Facebook නිසා නහින අපේ ඇත්තෝ ...!!!

Facebook යනු දුෂ්ට ඉන්ද්‍රජාලයක් නොවේ. එය සමාජ ජාලයකි. අන්තර්ජාලය වේදිකාව කර ගනිමින් බිහි වූ තවත් තොරතුරු තාක්ෂණයකි. එසේ නම් ‘ෆේස් බුක්’ හෙවත් ‘එෆ්.බී.’ නිසා ජීවිත විනාස වන්නේ යැයි ඇතැමුන් පවසන්නේ ඇයි? සමාජ ජාලා භාවිතය වරදක්ද යන පැනයට ඉතාම පැහැදිලි පිළිතුරක් පසු ගිය දිනෙක ෆේස් බුක් අඩවියේ ම කෙනකු මෙලෙස සඳහන් කර තිබිණි. “ගින්දර පිච්චෙනවා කියලා ගින්දර තහනම් කරන් නෑනේ....ඒ වගේ තමයි FB එකත්... පාවිච්චි කරන කෙනා සහ කරන විදිහයි වැදගත්.”ඒ කතාව හරියටම හරි. අපි බාවිතා කරන දෙයක් හොද හෝ නරක වෙන්නේ ඒ දේ බාවිතා කරන ආකාරයෙන් මිසක් ඒ දේ මත නෙවෙයි. ගින්දර පාවිච්චි කරලා කෑම උයන්නත් පුළුවන්, ඒ වගේම ගිනි කෙලි වැනි ලස්සන සංදර්ශන පවත්තන්නත් පුළුවන්. ඒ වගේම පුංචි ගිනිකුරකින් විශාල ගොඩනැගිල්ලක් අළු කරලා දාන්නත් පුළුවන්.

මිලියන ගණන් පුදගලයන් විසින් භාවිතයට ගැනෙන ජනප්‍රිය සමාජ ජාලා අඩවි අතර Facebook, Twitter, LinkedIn, Pinterest, Google Plus+, Tumblr, Instagram, VK, Flickr ,MySpace යනු අපට හුරුපුරුදු නම්. එකිනෙකට වෙනස් අභිමතාර්ථ වෙනුවෙන් ඇති වී තිබුණ ද මේ සියලු වෙබ් අඩවිවලින් කරන්නේ නූතන ලෝකයේ තොරතුරු හුවමාරුවයි. මිනිසා එකිනෙකා හා සන්නිවේදනය ඇරඹී මොහොතේ සිට ම නොයෙකුත් ක්‍රමවලින් සමාජ සන්නිවේදනයක් සිදු නොකළේ නම්, එකිනෙකාගේ උදවු සහ සම්පත්වලට පිවිසුමක් නොලැබ මිනිස් සංහතියේ දියුණුවක් සිදු නොවන්නට ඉඩ තිබිණි. ගින්දර යනු එලෙස පණිවිඩ හුවමාරුවට පවා යොදා ගත් එක මාධ්‍යයක් බව අප දන්නා කරුණක්.සමාජ වෙබ් අඩවි වලින් නිවැරදිව ප්‍රයෝජන ගැනීම සිදුවෙනවාද කියා නම් සොයා බැලිය යුතුයි. ඒත් අන්තර්ජාලය හා සිසුන්ගේ ඇති සම්බන්ධතාව ප්‍රයෝජනයට ගනිමින් ඔවුන්ගේ සන්නිවේදන හැකියා ශක්තිමත් කිරීමට බොහෝ බටහිර රටවල ගුරුවරු කටයුතු කරනවා . අන්තර්ජාල සමාජය විවිධාකාර යි. ඔවුන් හා අදහස් හුවමාරුවෙන් කෙනකුට පන්නරයක් ලබන්නට හැකියාවක් තියනවා .

අනුන්ගේ ඇපල් ගණින අපේ අය ... !!

අපි කව්රුත් කැමති සතුටින් ඉන්න. ඒ වගේම හැමෝම කැමති වාසනාව තමන්ට ලැබෙනවට  තමන්ට හරියනවට. තමුන්ට හිත සතුටින් ඇපල් කාලා ජිවත් වෙන්න මිනිස්සු පුදුම විදිහට ආසා කරනවා.හැම මිනිහම වර්තමානයේ අසීමිත විදිහට මහන්සි වෙන්නත් අනාගතයේ ජොලියේ ඇපල් කාලා ඉන්න. ඒත් ඇත්ත කාරණාව ගොඩක් අය කරන්න හදන්නේ තමන්ගේ ඇපල් ටික ගේ ඇතුලේ තියලා. අනුන්ගේ ඇපල් වලට කෙල හලන එක. ඒ අතරේ තමන්ගේ ඇපල් අනුන්ගේ කටේ ඔබන ජාතියේ කට්ටියත් සුළුවෙන් හරි ඉන්න එකත් වාසනාවක්. කොහොම කිව්වත් අනිකා ඇපල් කනවටවත් කැමති අය තමයි ගොඩක් මේ සමාජයේ ඉන්නේ. තමන් ඇපල් කන අතරේම අනිකාගේ ඇපල් ගෙඩියට තට්ටු කරන්න හදනවා නම් එක එක්තරා විදිහක නරක තත්වයක්. ඒක එක ලග ගෙවල් දෙකකටත්, කාර්යාලීය මේස අතරත් , නෑදෑයන් අතරත් , මිතුරන්ටත් පොදු ධර්මතාවක්.

හිත හිරිවට්ටන කෙල්ලන්ගේ විලාසිතා .. !!

අද කඩවල ගොඩක් ඇදුම් වර්ග තියනවා. විවිධ මෝස්‌තර වල ඒවත් ඕනේ තරම් තියනවා. ඒත් එදා විලි වහගන්න විතරක් බාවිතා කරපු ඇදුම අද විලාසිතාවක් , කලාවක් බවට පත් වෙලා. කොල්ලන්ට වඩා ඇදුම ගැන උනන්දු වෙන්නේ කෙල්ලෝ. ඒක ඉතින් කවුරුත් දන්න දෙයක් නේ . ඒත් මේ ඇදුම නිසා අද අපචාර වැඩි වෙලා කිව්වොත් ඔයාලා පිලි ගනීද මන්දා. ඒත් එකෙත් අත්තක් නැතුවම නොවෙයි. සාරියට ද ගවුමටද කෙල්ලෝ වැඩියම sexy වගේ ප්‍රශ්න කවි කොළ ගන්න තරමටම , කවි මඩු තියන තරමටම ජාතික ගැටළු බවට පත් වෙලා.හැබැයි ඒක කාටවත් වැඩිය පෙනුනේ නම් නෑ. කොහොම කොහොම හරි දැන් ඇමතිලත් “ ගැහැණුන් අදින ඇදුම නිසා රටේ අපචාර වැඩි වෙනවා ” යනුවෙන් පැවසීම නිසා අළුයට ගිනි සේ පිබිදෙමින් තිබුණු ජාතික හැගීම් දැන් වේගයෙන් පිබිදෙන බව දැන් ෆේස්බුක් ගිණුමක් තියන ඊ පුරවසියකු නම් ඔයාලටත් දැකගන්න පුළුවන් ඇතිනේ.

බොරුවට රගන අපේ කට්ටිය .... !!

කොල්ලෙක්ට කෙල්ලෙක්ගෙන් ආදරය ඉල්ලුවොත් තත්වේ බාල වෙනවද? කෙල්ලොත් එක්ක ඇරියස් තියන කොල්ලෝ මොනවා කිව්වත් පොදුවේ මිනිස්සු විදිහට ඉපදෙන කෙල්ලන්ටත් කොල්ලන්ටත් ඒක සම අයිතියක්. ඒත් ලංකාව ඇතුලේ නරක විදිහට බෙදුණු ගැහැණු කොලනි සහ පිරිමි කොලනි ඇතුලේ , සම්ප්‍රදායික රෙද්දෙන් විලි වහන් ඉන්න පිරිසට ඒක අවුලක්.ඇරියස් ගත අවුලක් , ලෝක ප්‍රශ්නයක් , මානසික රෝගයක් .

කොල්ලෝ අතර කොල්ලෝ වෙන්න හදන උන් අතරේ කෙල්ලන් අතර කොල්ලන් වෙන්න හදන අයත් අද වෙනකොට ඕනේ තරම්. කෙල්ලන්ට පෙන්න කන පැලෙන්න බොන අයියලා ගෙදර යන්නේ කන පොලවේ ගාවගෙන. බොන නොබොන එක වෙනම එකක් . Add එකට බොන එක තව එකක්. බොන එකේ වැරද්දක් මම කියන්නේ නෑ. හැබැයි බේබද්දෙක් නොවී fun එක විතරක් ගන්නවා නම් තමයි හොද.  ලගදි දවසක් බියර් බොන කෙල්ලෙක්. නොබොන කෙල්ලෙක්ගෙන්  “ උබ මොකෙක්ද  බන් ” කියලා අහල තිබුනා. එක එක රෙදි වලින් විලි වහන අපේ ගොයියලාගේ එතන තියෙන්නේ සාම්ප්‍රදායික රෙද්ද නෙවෙයි. එතන තියෙන්නේ රැඩිකල් රෙද්දක්.  උන් හිතන් ඉන්න විදිහට බොන ගෑනු , පිරිමි ඉස්සරහා දේවතාවියෝ වෙනවා. ෆුල් රැඩිකල් . පිරිමි හිතන තාලේ කෙල්ලෙක් වීම. රැඩිකල් වෙන්න දගලන අපේ කට්ටිය හිතන් ඉන්නේ ෂොට් එකක් ගහලා, රෙගේ සින්දුවක් අහලා මහපට ඇගිල්ලට මුද්දක් දැම්මාම රැඩිකල් කියලා.

ලෝකෙට පේන්න කරන උදව්....

හොද කාලයක් වගේම නරක කාලයක් කාටත් තියනවා. එකෙක්ට හොද කාලයක් ලබනකොට තව කෙනෙක් නරක කාලයක් ලබනවා. ඒක ලෝක ස්වභාවය. අපිට උදව්වක් ඕනේ වෙලාවට උදව් කරන්නේ කීයෙන් කී දෙනාද. එහෙම කාල වලදි ගොඩක් අය කරන්නේ අහක බලාගෙන ඉන්න එක. ඒ වගේ උන් ගැන නම් කතා කරලා වැඩක් නෑ.කෙනෙක්ගේ සතුටක ඉදලා දුකකදී අහක බලාගෙන ඉන්න උන් ගැන නම් කතා කරන එක අපරාදයක්.

කොහොම උනත් එකා මොකා උනත් ඌත් මනුස්සයෙක් . උටත් උදව් ඕනේ වෙලාවල් එනවා. මොනවා උනත් සමහර අය උදව්වට එනවා. එහෙම අය ඉන්න එකත් වාසනාවක්.සමහර වෙලාවට ඒ උදව්ව සුළුපටු එකක් නොවෙන්න පුළුවන්. ඒත් තවත් සමහර අය උදවුවක් කරන්න එන්නේ උදවුවක් බලාගෙන.අර කතාවටත් කියන්නේ 'මීයක් කඩන්නේ අත ලෙව කන්න ද' කියලා.අන්න එහෙම උන්ගෙනුත් පරිස්සම් වෙන්න ඕනේ.

වෙළෙන්දන්ට සතුට ගෙනෙන ආදරවන්තයින්ගේ දිනය...

අද ලෝකයේ බහුතරයකට සාමාන්‍ය දවසක් .. ඒ වගේම ලංකාවේ බහුතරයකට අද පෝය දවසක්.  ඒ උනාට ආදරවන්තයින්ගේ දිනය කියලා එකකුත් අද තියනවා .. ඒත් ඒක සමරන්නේ නම් කීප දෙනයි . ආදරවන්තයින්ගේ දිනය එහෙමත් නැත්නම් වැලන්ටයින් දිනයත් ඒ වගේම අපේ සමාජය තුළ පිළිගත්ත දිනයක් බවට මේ වෙනකොට පත් වෙලා. අද මේ දවස සමරන අයට නම් ගොඩක් සතුටු දවසක්. සමහර අයට අද සාමාන්‍ය දවසක් . ඒ උනාට කතා නොකරනම පිරිස තමයි මේ දවසේදී දුක් වෙන පිරිස. දැන් ඔයාලට හිතෙයි කව්ද අද දුක්වෙන්නේ කියලා. දුක් වෙන්නේ මේ තරම් කාලයක් ආදරයෙන් ඉදලා වෙන් උන අය. එයාලට අද දවස පරණ දේවල් මතක් කරන තවත් එක දුක හිතෙන දවසක් විතරයි. එයාල ගොඩක්ම කරන්නේ අද දවසේ පරණ මතකයන් එක්ක කාලය ගත කරන එක. මතකයන් සමග ජිවත් වීම එක වෙලාවකට සතුටක් එක වෙලාවක දුකක් . දුක සතුට හැම වෙලේම තියනවා.මතකයන් එක්ක ජිවත් වීම ඒ තරම් හොද දෙයක් නෙවෙයි විශේෂයෙන් දුක්කිත මතකයන් . අපි දෙයක් අමතක කරන්න උත්සහ කලොත් අපිට එක මතක් වෙනවා ඉබේම .ඉතින් අමතක කරන්න දගලනවට වඩා හොද අමතක වෙන්න ඉඩ හරින එක. කවුරු කොහොම කිව්වත් ආදරයක බිද වැටීම දරා ගන්න අමාරුයි. ඒක දන්නේ ඒ කෙනාම තමයි. අද කතාව ඒ ගැන කියන්න හදන්නේ නෑ. කලින් කැඩුණු බිදුණු හදවත් කියන කතා වෙන් මම ඒ ගැන කිව්වා.

Valentine’s Day, ඇත්තටම ලෝකයේ සුන්දරම දිනයක්. මේක හරියට යෞවනයේ දිනය වගේ. මෙහෙම මම කියන්නේ මට යාළුවෙක් කියපු කථාවක් නිසා, එයා කියන්නේ මේක මචං එළකිරි වගේ celebrate කරන්නේ younger generation එකලු. ඒත් මේ එළකිරි වගේ සමරනවා කියලා අපි මුලා වෙනවා නේද? ලෝකයේ පාලක පන්තිය මෙදාට සැබැවින්ම කෝටි ගණන් මුදල් Ice Cream වලින්, රෝස මල් වලින්, චොකලට් වලින්, Garden වලින්, උපයනවා ලෝකයේ විවිධ වූ රටවල් මේ දිනය වෙනුවෙන් රෝස මල් ටොන් ගණන් වවනවා. ඒවායින් ඊට පස්සෙ යෞවනයත් වවාගෙන කනවා. මේ දිනය

කැඩුණු බිදුණු හදවත් ... !!!

කව්රුත් කැමති සතුටින් ඉන්නලු.. ඒත් ඒ සතුට ඇති වෙන්නේ නැති වෙන්නේ මහ පුදුම විදිහකට. සමහරකුට සතුටක් වෙන දෙයක් සමහරකුට දුකක් . ගොඩක් අය නම් කියන්නේ ඒක එයාගේ choices එක කියලා. ඒ උනාට ඔය කතාව ආදරය කියන මාතෘකාවදී වෙනස් වෙනවා. ඒත් කතාව පිළිගන්නේ නම් අඩු පිරිසක් .Choices එකට ගැලපෙන කෙනාව හොයාගෙන එයාට ආදරය කරන එක choices එක නෙවෙයි නම් වෙන මොකක්ද කියලයි ගොඩක් අය අහන්නේ.. අද මගේ කතාව ආදරයවත් choices ගැනවත් නෙවෙයි. අද කතාව ආදරයේ බිද වැටීම ගැනයි .

ආදරය කිරීම එකක් .. ආදරය ලැබීම තව එකක් .. ආදරය ජය ගැනීම තව එකක් .. ආදරයෙන් වේලීම තව එකක් .. ඔය ඔක්කොම අද සමාජයේ තියනවා . ඒත් ගොඩක්ම තියෙන්නේ ආදරයෙන් අන්ධ වෙන සිදුවීම්. ආදරය ලබලා ආදරය කරලා ඇති ඔයාල හැමෝම . ඒක පාර්ශික ආදරනම් හැමෝගාවම. එතනිනුත් කෙනෙක් හොයාගෙන ආදරය කරලා විවාහය දක්වා යන්නේ කීයෙන් කී දෙනාද? ආදරෙන් බැදලා විවාහය අසාර්ථක වෙන අයත් නැත්තේම නෑ. පාසල් කාලේදී ගොඩක් අය ආදරය කරනවා ආදරය ලබනවා. සමහර අය ඒවා දිගටම පවත්වාගෙන යනවා. බහුතරයක් නැති වෙනවා.. ඒවාට කියන වචනය අපි කව්රුත් දන්නවා. BOOT.  ඒ කාලේට boot කෑම සාමාන්‍ය දෙයක් වෙනවා .. කෙල්ලෝ කොල්ලෝ කියලා වෙනසක් නෑ boot තියන්නත් පැකිලෙන්නේ නෑ. ඒ උනත් සමහර වෙලාවට ඔය කතාව හැම කෙනාටම කියන්න අමාරුයි. මොකද මාසයක දෙකක . අවුරුද්දක ආදරයක් නම් ඒක කියන එක ලේසි .. ඒත් අවුරුදු 4ක් 5ක් පැවතුනු එකකට එහෙම කියන එක නම් සාදාරණ නැති වෙයි. මගේ යාලුවෙක් එයා කෙල්ලෙක් එක්ක යාළුවෙලා හිටියා . AL කාලේ යාලු උනේ. කෙල්ල මොනවා කලත් යාලුවෝ එපා කිව්වත් ඒක ගණන් ගන්න උවමණාවක් තිබුනේ නෑ. මොකද කෙල්ලත් මෙයාට ආදරය කල නිසා. අවුරුදු ගෙවුණා. විභාග පාස් වෙලා කෙල්ලට Campus යන්න ආවා. ඒත් මගේ යාලුවට නම් යන්න බැරි උනා. Campus ගියත් සම්බන්දය කාලයක් තිබුණා. මේ කෙල්ල සෙට් උනේ දුර තිබුණු campus එකකට. එක්ක යන වැඩ, එක්ක එන වැඩ සේරම මෙයා කලත් අන්තිමට මේ කෙල්ල වෙන කෙනෙක් දිහාවට හැරුනා.. එක දවසක එක සිදුවීමයි . අවුරුදු 4ක සම්බන්දයක් ඉවරයි..යාලුවෝ සහෝදර සහෝදරියෝ , දෙමව්පියෝ සේරම දැනගෙන උන්නු සම්බන්දයක් . ඒක විනාසයි . එතකොට ඒක බූට් එකක්ද ? . ඔව් එක පැත්තකින් එහෙම තමයි . එහෙම නැත්නම් වැරදි වටහා ගැනීමක්ද ? මම හිතන්නේ නෑ . අවුරුදු 4ක් එකිනෙකා ඇදුනා ගන්න බැරි උනා කියලා . ඒක බූට් එකක් නම් ඒක කොහොම දැනෙනවා ඇතිද? . ඒක දැනෙන්නේ එයාට විතරයි. ආදරයෙන් සමුගන්න ඕනේ කියලා කලින් පිපියක් ලිව්වා. ඒත් ඒක හැමෝටම කරන්න බෑ. ඒක දන්නේ ඒ කෙනා විතරයි තුවාලේ වේදනාව දන්නේ ඒක තියන එකාලු.

Birthday Party සමග සෙරෙප්පු හොරු ...

උපන්දින නම් කාටත් එන්නේය .. ඒවාට party ගන්නද වෙනම පිරිසක් සිටියි. හොද තැනකට ගොස් හොදට කාබී උගේ උපන්දිනය කවදාවත් අමතක නොවන ලෙස ඌට හොද බිලක් තැබීම හොද මිතුරන්ගේ විශේෂත්වයයි.. කොච්චර උපන් දින ආවත් යාළුවන් තුනකගේ උපන් දින එක ලග වැටෙන්නේ කළාතුරකින්ය. අපිටත් එවැනි දුර්ලබ අවස්ථාවක් ලැබුනේය.

දැන් party යට  දින නියම කරයි . මුලින්ම කිවේ 12 වෙනිදා කිරිබත්ගොඩ KFC යාමටය. ඔන්න කට්ටිය ඇගිලි ගනිමින් ඉන්නේ 12 KFC යන්නය .. ටික දවසකින් අයෙත් SMS එකෙක්. “ 12 නෙවෙයි මචන් 11 කොළඹට වරෙන් fun එකකුත් ගන්න පුළුවන් ” ඔන්න දැන් 12 , 11 වී ඇත . ආයේ දවසක තව SMS එකක් . “ මචන් 11 බැරිලු 12 KFC’ ආයේ 11 , 12 විය .. 11 වෙනිදා ආයෙත් SMS එකක්  “ KFC නෙවෙයි යන්නේ ඉබුල්ගොඩ තැනකට  ” දැන් KFC යන ගමනත් නැත .. යකෝ මුන් අහිකුණ්ඨක වගේ තැන මාරු කරනවනේ .. කොහොම කොහොම හරි අන්තිමට KFC එකෙන්ම ගමන කෙලවර විය.. දැන් කෑම කන්නට හැමෝම සුදානම් ය .. ඒත් කෑම නැත. උපන්දින කාරයන්ගෙන් එකෙක් ඇවිත් නැත.. ඉතින් එකා එනකම් අල කුරූ (potato chips) ටිකක් ගත්තේය . එතනද මරු වැඩකි අපි 7කි. මුන් ගත්තේ small chips bucket 2කි . Cashier එකේ කෙල්ලෙක් දැමු කුප්ප හිනාවෙන් එකෙක්ට මල පැන ඇත.. අපි 7 කට small chips bucket 2ක් ගෑවෙන්නත් මදිය .. කෙල්ලගේ හිනාව සාදරණය..

එකෙක් - “ යකෝ අරකි මහ කැත හිනාවක් දැම්මා බන් අපි chips bucket 2ක්  ඉල්ලුවම. හිටපන්කෝ ඊළගට ගන්නේ ඕකිට උන ගැනෙන්න..  ”

වෙනස් වෙන්නට කාලයයි - Time to Change

අලුත් අවුරුද්දේ මුල්ම ලිපිය  ලියන්නයි හදන්නේ . මොනවා කියන්නද කියල කල්පනා කලේ .. ඔක්කෝටම කලින් කියන්න ඕනේ මගේ බ්ලොග් එක බලපු , කියවපු , අදහස් කියපු , බැනපු සේරටම සුබ අලුත් අවුරුද්දක් වේවා කියල. අලුත් අවුරුද්දකුත් ලබලා දැන් දවස් කිපයකකුත් ගෙවිලා ඉවරය.. ගිය අවුරුද්දේ කරපුවා අමතක කරලා අලුත් අවුරුද්දට ආවද? .. එහෙම එන්න නම් ඉතින් මැරිලා ඉපදෙන්න වෙනවාය. පරණ දේවල් අමතක කරලා එන අයනම් අඩුය. ගොඩක්ම ඉන්නේ පරණ දේවල් එක්කම ජිවත් වෙන කට්ටියක්ය. ගිය අවුරුද්දේ සැබෑ කර ගන්න බැරි වුනු හීන ලොට් එකක්ම මේ අවුරුද්දටත් අරන් එනවාමය . ඒක කාගෙත් හැටිය. සමහර විට මේ අවුරුද්දේ ඒවා සැබෑ වෙනවාය.  නැත්නම් වෙනස් වෙනවාය. සමහර වෙලාවට ඒක තවත් මොඩිෆයි වෙලා ඊලග අවුරුද්දට අරගෙන යනවාය. කවුරුත් ජිවත් වෙන්නේ හීන එක්කය. ඒක කලින් ලිපියට අදාල එකක්ය .අද කතාව අවුරුදු ගැනය.

කොහොම උනත් බොහෝ දෙනෙක් අලුත් අවුරුද්ද කියලා වෙනසක් නැතය. කරන්නේ තියන කුණු ජරාව , සේරම අටමගල් අලුත් අවුරුද්දට රැගෙන ඒමය . පරණ හතුරෙක් පාරේදී දැක්කොත් අලුත් අවුරද්ද කියලා වෙනසක් නැතය . මුණ පඩික්කම වගේ හදාගෙන දෙන්නම  නොදැක්කා වගේ යනවාය.  අවුරුද්දට හීන ගේම කමක් නැත . ඒත් කුණු ගේම නම් හොද නැතය. හීන සුන්දරය. කුණු නම් ගඳය. 2013 යනු අතීතයට ගිය වසරක් ය. ඒ උදාවද මේ විදියමය. උදාවී ඇත්තේ 2014 වසරය .වෙනත් විදියකට කිව්වොත් විසි එක්වන ශතවර්ෂයේ දෙවන දශකයේ සිව් වන වසරය. අවුරුදු උදාවට එක එකාගේ සුබ පැතුම් නම් එමටය.