Facebook ආදරය ...

Facebook කියන්නේ මේ දවස් වල හැමෝම වගේ දන්නා සමාජ වෙබ්අඩවියක්. ඇත්තටම Facebook යනු මේ වනවිට හුදු සමාජ ජාලයක් නොව එදිනෙදා ජිවිතයේ අංගයක් බවට පත් වෙලා කිව්වොත් එකෙත් වරදක් නෑ .. ඇත්තෙන්ම අපේ ජිවිත වලට Facebook යනු කුමන ආකාරයේ දෙයක්ද කියලා ඇහුවොත් ඒක විස්තර කරන්න තියන එකම වචනයත් Facebook ම තමයි .. Facebook කියන්නේ අපි හැමෝම පාවිච්චි කරන දෙයක් .. මිතුරු මිතුරියන් හදුනා ගන්න .. දුර සිටින අයගේ තොරතුරු දැන ගන්න Facebook අපිට ගොඩක් උදව් වෙනවා .. මේ අතරින් ප්‍රධානම දෙයක් තමයි ඒ මගින් ඇතිවෙන ආදර සම්බන්දතා.. ඇත්තටම Facebook හරහා කොතරම් ආදර සම්බන්දතා ඇති වෙනවා ඇතිද .? එකට තියන පිළිතුර තමයි ලෝකය පුරාම දිනකට ඇතිවෙන ආදර සම්බන්දතා වලින් පහෙන් එකක් ඇති වෙන්නේ අන්තර්ජාලය මගින්ලු .. ඒ අන්තර්ජාලය මගින් ඇතිවෙන ආදර සමබදතා වලින් 80% විතර Facebook හරහා වෙනවා ඇති කියලා අනුමාන කරන්න පුළුවන් ..

මේ ලිපිය Facebook ගැනවත් , එයින් ඇතිවෙන ආදර සබදතා ගැනවත් , ඒ ආදර සම්බන්දතා හොදද නරකද කියන එකවත් නෙවෙයි . Facebook හෝ අන්තර්ජාලය මගින් ඇතිවෙන ආදර සබදතා නරකයි කියන අදහස නැති කරන්න ගන්න පුංචි උත්සාහයක්.. ඒත් ඒක ගැනම හිත හිත ඉන්න හිත කූඩු කරන් ඉන්න අයට නම් මෙහෙම නෙවෙයි ඔලුවෙන් හිටගෙන කිව්වෙත් එයාලගේ හිත් වලට දෙයක් කාවද්දන්න අමාරුයි ... මේ කතාව විවෘතව හිතන අයට .

කෑල්ලක් නැති මට ලෑලලත් සැපයි ..!!

අලුත් විදිහට දෙයක් ලියන්න හිතුවා .. ඉතින් මම මේ ලගදි කියවපු ලිපියනකිනුත් කරණු ටිකක් අරන් මගේ අදහසකුත් දාලා අලුත් විදිහේ එකක් ලියන්නයි හදන්නේ .....  චූන් පාන් කාරයා තරම් චුන් එකේ ඉන්න එකෙක් තවත් නෑ . කන පැලෙන්න චුන් සද්දේ දාගෙන සසරක් නැතුව ඌ හැමතැනම යනවා . අපි ඉතිං වෙනම වාහනයක් අරන් ඌ පස්සේ පන්නන්න ඕනේ මාළු නැති මාළු පාන් ගෙඩියක් ගන්න . අපි උගේ පස්සේ දුවන්නේ මාළු බයිසිකලේ පස්සේ බල්ලෝ පන්නනවා වගේ. කොච්චර ප්‍රශ්න තිබුනත් චුන් එකේ ඉන්න එකම එකා පොර වෙන්නේ ඒක නිසයි. ඔය කවුරු කොහොම හිටියත් මමත් ඒ කාලේ ඉදන්ම හිටියේ චූන් එකේ තමයි. දැන් සමහරු අහයි උබත් චූන් පාන් විකුණනවද කියලා. නෑ මම චුන් එකේ හිටියේ කෙල්ලෙක් set කරගත්තේ නැති නිසා . හැබැයි මගේ ඇති ජාති මිත්‍රයෝ නම් එදා ඉදන්ම කිව්වේ කෙල්ලෙක් දා ගනින් දා ගනින් කියලා .. සමහරු ලියුනුත් ලියන් හිටියා කෙල්ලන්ට දෙන්න මම දුන්න වගේ .. එක පාරක් දෙන්නම හැදුවා බොහොම අමාරුවෙන් නවත්ත ගත්තේ .. ඒ මගේ චූන් ජිවිතේ ගැන ඉරිසියා හිතිලා කියලයි මම නම් හිතුවේ. ඒත් දැන්නෙ තේරෙන්නේ චුන් ජිවිතේ තරම ..

කෑල්ලක් නැති මට ලෑල්ලත් සැපයි කිව්වට කෑල්ලක් නැති ජිවිතෙත් පුහුලනේ නැති කජු ගෙඩිය වගේලු.ඉතින් මමත් හිතුවා මගේ චූන් ජීවිතේට තිත තියන්න .. එහෙම හිතුවා කියලා හැම මගුලම හිතපු ගමන් හරියනවායැ.  ඉතින් මම හිතුව හිතේ ඉන්න කෙල්ල ගැන පොඩි වචනයක් දෙකක් කියලා දාන්න ..

ආදරය සහ කැමැත්ත ... !!!

ආදරය කියන්නේ මොකද්ද කියලා තවමත් ගොඩක් අය අදුරන්නේ නෑ. ඇත්තටම මොකද්ද ආදරේ කියන්නේ?එක උත්තරයක් දෙන්න බැරැව ගොඩාක් අය හිරවෙන තැනක්. ඔය දේට උත්තරයක් කෙලින් දුන්නොත් තමන් කරන්නේ ඇත්ත ආදරයක් ද? බොරැවක් ද කියලා දැන ගන්න පුලුවන්.....එක එක අය තම තමන්ගේ වාසියට අනුව ආදරයට එක එක නිර්වචන දිලා සමහරු ආදරය දකින විදියට නොවෙයි තවත් සමහරෙක් දකින්නේ එක එකිනෙකාගෙන් වෙනස්ම වෙච්ච දෙයක් එත් කවුරු කොහොම මෙන නිර්වචනය දුන්නත් එක එක අය ආදරය දකින්නේ වෙනස්ම විදියකට ආදරය කියන්නේ ගොඩාක් ලස්සන වචනයක් වගේම පිවිතුරු හැගීමක්. එක විදිහකට ආදරයට නිර්වචන දෙන්න යන එකත් එක විදිහක මෝඩ කමක්.. ආදරය කියන්නේ අයිති කර ගැනීමක් නොව පරිත්‍යාගයක් කියල කවුරු කිව්වත් ගොඩක් අය කරන්නේ නම් ආදරේ බදා ගන්න යනවා මිස ඒක බෙදා ගන්න එක නම් නෙවෙයි . කොහොම උනත් ඇත්තම කරපු ආදරයක් අමතක කරන එක ලේසි දෙයක් නම් නෙවෙයි. දැඩි ආදරයකින් වෙන් වීමේ දුක විඳවූවන් එය කොතරම් නම් වේදනාවක් ද යන්න යන්න දන්නවා .. තමන් පැතු ආදරයක් ලබා ගන්න පුළුවන් වෙන්නේ කිප දෙනකුට විතරයි ... ලබාගත්තු ආදරයක් පවත්වාගෙන යන්න ලැබෙන්නෙත් එතනිනුත් කීප දෙනෙක්ට ...

බලාපොරොත්තු සමග ජීවිතය... !!!

දැන් ඉස්සර වගේ කතා ලියන්නේ නෑ .. කතා ලියන්න වෙලාවක් ඇත්තෙත් නෑ .. වෙලා තිබුනත් ඒවා ලියන්න හිතෙන්නෙත් නෑ .. අද කාලෙකින් එන්න හිතුනා මේ පැත්තට .. අලුත් බලාපොරොත්තුවක් එක්ක.. මිනිස්සු හැමෝටම බලාපොරොත්තු තියනවා . එහෙම නෑ කිව්වොත් ඒක බොරුවක් . ඒ අතරින් කවදාවත් ඉටු කරගන්න බැරි දේවල් නම් ඕනි තරම් ඇති .  ඒ අතර කවුරුත් නොදන්නා කාටවත් නොකිව්ව බලපොරොත්තුත් ඇති .. මොනවා උනත් කවුරු මොනවා කිව්වත් කවුරුත් කැමති ඒ බලාපොරොත්තු එක්ක ජීවත් වෙන්න .. ඒවා ඉටුවුනත් නැතත් ඒවා ගැන හීන දකින එක හැමෝම කැමති දෙයක් .. බලාපොරොත්තු මිනිස්සු ජිවත් කරනවා .. ඒක තමයි මිනිස්සුන්ට ඉස්සරහට යන්න තල්ලුවක් දෙන්නේ . ඒත් එක ප්‍රශ්නයක් තියනවා ඒ ඇත්තටම මිනිස්සු ඉස්සරහට ගෙනියන්නේ බලාපොරොත්තුමද කියන එක.

හැමෝගෙම බලාපොරොත්තු අහස උසට , ඒ උසට හදපු මාලිගා වල මිනිස්සු ජිවත් වෙනවා . ඇත්තටම මේ විදිය සාර්ථකද ? කාටද කියන්න පුළුවන් මේ විදියෙන් දිනන්න පුළුවන් කියලා .. ලෝකෙට ලොකුවට පම්පෝරි ගහන සමහර උන් ලෝකෙට කියන්නේ උන් කරන්න ගිහින් වැරදුනු දේවල් . ඒක වැරදුනත් උන් කැමති නෑ ඒක වැරදි කියලා පිලිගන්න . කාටද කියන්න පුළුවන් මේ විදිය කරලා ජීවිතය දිනන්න පුළුවන් කියලා . ඒ යථාර්ථය මෙය නොවේ ලෝකය එක දිශාවට දුවන කොට අපිට ඊට ප්‍රතිවිරුධව දුවන්න බෑ ..

වැල(න්ටයින්) සැමරීම .. !!

ජනවාරිත් ඉවරයි.. 2015 අවුරුද්දත් ගෙවෙන්න අරන්. පටන් ගත්තු වැඩ තවම එහෙමමයි .. ආදරය පිරුණු මාසයක ආරම්බය වැඩි ඈතක නෑ. ඒ ඇරබුමත් සමග බාල මහලු තරුණ හැමෝගෙම මතකයට නැගෙන්නේ වැලන්ටයින් දිනය . හැබැයි ඉතින් ඊට කලින් නිදහස් දිනේ කියලා එකකුත් තියනවා ඒක නම් කාටවත් මතක නෑ. එක වෙනම කතාවක් , අද කතාව ඒක නෙවෙයි . එකෙක් සමරන තව එකෙක් ලතවෙන වැලන්ටයින්ගැන .. කෙනෙක් මේ දවස එනකම් බලන් ඉන්නේ ඇගිලි ගැන ගැන..  කෙනෙක් මේකට උනන්දුවෙන් සුදානම් වෙන අතරම තව කෙනෙක් මෙය සැමරීමට හේතුන් සොයනවා . ඒත් මේක සමරගන්න බැරි වෙන අය කරන්නේ ඔහේ උඩ බලාගෙන හුල්ලන එක .. තව පිරිසක් මේකට විවිද තර්ක ගෙනෙමින් මෙවැනි සැමරුම් වෙළද ජාවාරමක් ලෙස හදුන්වමින් විරෝධආකල්ප මතු කරනවා. කොහොම උනත් මේ පෙබරවාරි 14 කියන්නේ වෙළෙන්දන්ට නම් සරු දවසක් තමයි .

දැන් ඔබ ඇතුලත් වෙන්නේ මොන ගොඩකටද ? වැලන්ටයින් සමරන කුලයට එකතුවෙනවද? එය සැමරීමට හේතු සොයනවද ? එහෙමත් නැතිනම් එයට විරුද්දව කතා කරනවාද ? කව්රු මොනවා කිව්වත් , කලත් කුමන පැත්තක් ගත්තත් , මොන කුලයට වැටුනත් අපි අපෙන්ම අහගන්න ඕනි එක ප්‍රශ්නයක් තියනවා. ඒ තමයි ඇත්තටම අපිට , අපේ හිතට ආදරයක් ඇතුළු වෙලාද කියන එක .. සමරන්නට හෝ නොවන්නට හෝ ආදරවන්තියක හෝ ආදරවන්තයකු වෙන්නට ඉස්සර අපේ හිතට ආදරය දැනිලා තියන්න ඕනි කියන එක තමයි මගේ නම් මතය. ඒ වගේම කෙනෙක්ට ආදරයක් දැනිලා තියනවා නම් එක ඇත්තටම නිරායාසයෙන්ම දැනුන දෙයක්ද එහෙමත් නැත්නම් , කවුරුන්හෝ ඔලුවට ඇතුළු කල දෙයක්ද කියන එකත් හිතන්න වෙලාව ඇවිත් .

කොල්ලෙක් සහ කෙල්ලෙක් මොනයම් හෝ විදිහකින් ආදරයෙන් බැදුනට පස්සේ ඒක දිගටම පවතින්නේ ඔය අපි ගොඩක් අය කතා කරන ආදරය නිසාමද . ඇත්තටම අද ආදරය කියන දේ ආදරයමද ? එහෙමත් නැත්නම් ඒක රාගයද .. අද පටන් ගන්න ආදරයක් අවුරුදු ගානක් එක දිගටම පවතිනවද .. මම නම් දන්න විදිහට මේ 14  වැලන්ටයින් සමරන එකා ලබන අවුරුද්දේ සමරන්නේ වෙන එකෙක් එක්ක ..අද  ආදරය කියන්නේ, දැක්ක, හිනා වුණා, යාලු වුණා ,එහෙමෙහෙ ගියා, රණ්ඩු වුණා ඉවරයි. පාසල් කාලේදී පටන් ගන්න ගොඩක් සම්බන්ධතා කාලයක් පවතින්නේම නැති තරම් .. හැම එකම එහෙමමයි කියන්නේ නෑ ඒත් බහුතරයක් එහෙම තමයි ..


වැල(න්ටයින්) කියන්නේ ඇත්තටම එක විදිහක love ගිවිසුමක්. මොකද මේ වරහන් දාලා. ඔව් අද මේ යන විදියට වරහ‍නින් එලියේ තියෙන දේවල් තමා වෙන්නේ.අම්මේ සමහරුන්ට දැනෙන සතුට අවුරුද්දටම මේ වගේ ආතල් එකක් ගන්න එන දවසනේ නේද? තමන්ගේ උපන්දිනේවත් සමහරු මේ විදියට ආසාවෙන් එනකන් බලාන ඉන්නේ නෑ.සමහරු අවුරුද්ද පුරාම එකතු කරපු සල්ලි වලින් තමන්ගේ වැලන්ටයින්ට මොනවා හරි අරන් දෙනවා. අයියෝ සල්ලි. මොකක් හරි ලොකු තෑග්ගක් දුන්නාම වැලන්ටයින්ගේ ඇඩ්රස් හොයන්නත් නෑ.  සමහර කෙල්ලෝ ඉන්නවා කොල්ලගෙන් හොද තෑග්ගක් ලැබුණ ගමන් කොල්ලට බූට් දෙනවා . අනේ කොල්ලොත් ඉතින් තියන සබ්බ සකලමනාවම එකතු කරලා කෙල්ලට තෑගී අරන් දෙනවා ..හැම කෙල්ලම එහෙම නෑ. ඒ වගේම කෙල්ලෝ විතරක් ඔය වැඩේ කරන්නේ නෑ .. කොල්ලෝ කරන්නේ ඊට වඩා කුප්ප වැඩ, උන් යාළු වෙලා ඉන්න කෙල්ලගේ යාළුවාගෙනුත් යාළු වෙන්න අහන එවුන්.. හැබැයි මෙහෙම එකකුත් තියනවා .අද කාලේ ගැණු ළමයි ආරක්ෂා වෙන්නේ ගෑණු ළමයිගේ තියෙන හොඳකම නිසා නෙමෙයි. කොල්ලොන්ට තාමත් ලැජ්ජාවක් තියෙන නිසා. ඇත්තටම කියනවානම් දැන් අපේ තරුණ කොල්ලෝ කෙල්ලෝ මේ කරන්නේ ආදරයක් නෙමෙයි කෑදරයක්. 90%ක් දෙනාම කරන්නේ කෑදරයක්.

වෙලාවට අපිට අනුන්ගේ සිත් කියවීමේ හැකියාව නැත්තේ. නැතිනම් ගෙවල් ලඟ ඉන්න අයගේ හිත් කියෙව්වොත්, ඒ අයට තමන් ගැන හිතෙන‍ දේවල් කියෙව්වොත් ගම රට දාලා මුහුදට පනින්න හිතෙනවා. ඒක නිසා ඒකත් එපා.ජීවීතේට තමන්ගේ කෙල්ලව බලන්න නොයන කොල්ලා, 14 උදේම හොදට ඇදගෙන රෝස මලයි,චොක්ලට් එකයි,කාඩ් එකයි අරගෙන ගිහිල්ලා කෙල්ලට දීම ඇත්තටම ආදරයද ? ආදරය කියන්නේ මේක නම් මේ රටේ මෙච්චර බූට් කතා ඇහෙන්නේ නෑ. ඒත් ආදරය කියන්නේ අයිති කරගන්න  දෙයක් නොව පරිත්‍යාගයක් කියන දේත් මතක තියා ගන්න ඕනි.තමාගේ ආදරය පෙන්වීමට අනුන්ගේ දවසක් එනකම් ඉන්න ඕනිද . දවස් තුන්සිය හැට පහේදීම ආදරයෙන් ඉන්නවා නම් හැමදාම වැලන්ටයින්.. ඕනෑම පෙම්වතුන් යුවලකට පෞද්ගලිකව වැදගත්වන දිනය තමයි   සංවත්සර දිනය. ඉතින් ඒ දවස සමරුවොත් හොද නැද්ද ? වැලන්ටයින් වගේ  අහසින් වැටුන දිනයක් සැමරීමට වඩා ඒක හොද නැද්ද . මොකද ඒක තමන්ගේම දිනයක් නිසා .. 

සතුට පසුපස ..!

කාලේකින් මොකුත් ලියන්න බැරි වුනා .. අලුත් අවුරුද්දේ අලුත් කතාව .. අලුත් සිතුවිලිත් එක්ක අලුත් වෙන්න දගලන අපි , අලුත් බලාපොරොත්තු එක්ක අලුත් අවුරුද්ද පටන් ගන්නවා . සමහරු සාර්ථක වෙනවා සමහරු අසාර්ථක වෙනවා .. මොනවා කලත් මොනවා උනත් ඉස්සරහට තියපු අඩිය පස්සට ගන්න එක නම් කරන්න හොද නෑ .. සැප දුක , දුක සතුට , ජය පරාජය , කාටත් පොදුයි .. අලුත් අවුරුද්දෙත් මේ දේවල් පොදි ගහගෙන ඉස්සරහට යන්න කට්ටියටම සිද්ද වෙනවා .. තමන්ගේ වැරදි නිවැරදි කරගන්න හදනවා නම් තමයි හොද ඒත් ගොඩ දෙනෙක් කරන්නේ අනුන්ගේ කුණු වලවල් හාරන එක තමයි ..

මේ ලෝකේ ඉන්න අයගෙන් වර්ග දෙකක් ඉන්නවා එකක් දුකින් ඉන්න අය අනිත් කට්ටිය සතුටින් ඉන්න අය සතුට කියන දේ පලා ගිය ගමන් ජීවිතය වෙලා ගන්නේ දුක. දුකක් දැනුනම ඒක නැති වෙන්න කල් යටට